25 fevral 2013 19:45
Xaqani Məmmədov: Rəvanı başa düşürəm, amma XL öz səhvlərindən danışmalıdı
AFFA Hakimlər Komitəsinin sədri Xaqani Məmmədov Topaz Premyer Liqasının 21-ci turunun “Rəvan” – “Qarabağ” matçındakı mübahisəli epizodla bağlı fikirlərini açıqlayıb. Azerisport.az saytına müsahibəsində o, bunları dilə gətirib:
“Hakim bu oyunda səhvə yol verib. Mən “Rəvan” rəhbərliyinin məyusluğunu başa düşürəm. Amma hakim səhvinə görə komandanı çempionatdan çıxarmaq olmaz”.
“Hakim bu oyunda səhvə yol verib. Mən “Rəvan” rəhbərliyinin məyusluğunu başa düşürəm. Amma hakim səhvinə görə komandanı çempionatdan çıxarmaq olmaz”.
Məmmədov ilk altılığa düşməkdə çətinlik çəkən klubların rəsmilərinin bunu yalnız hakim səhvləri ilə əlaqələndirməsinə də kəskin etirazını bildirib: “Mən “Xəzər Lənkəran”ın vitse-prezidenti Tuyqun Nadirovu başa düşə bilmirəm. O, lənkəranlı fanatları onunla inandırmağa çalışır ki, komanda ilk altılıqdan yalnız hakim səhvlərinə görə kənar qala bilər. “Xəzər Lənkəran” öz səhvlərindən danışmalıdı. Lazımlı transferlər etmək, yaxşı hazırlıq keçmək lazımdı, tez-tez baş məşqçi dəyişikliyinə əl atılmamalıdı. Onda nəticə də olur. Bütün bunları kənara qoyub, hər şeydə hakimləri günahlandırmağa dəyməz”.
