26 fevral 2013 18:31
Qarabağ da Xocalını andı
Qan tariximiz heç vaxt unudulmur. 21 il öncə Qarabağda, Xocalı şəhərində törədilmiş soyqırım faciəsi xalqımızın qan yaddaşına əbədi həkk olunub.
Faciənin 21-ci il dönümündə “Qarabağ” Futbol Klubunun vitse-prezidenti Tahir Gözel klubu ziyarət edib. Daim önəmli günlərdə komandanı tək qoymayan başqan bu dəfə komandasıyla birgə faciəni yad edib.
Başqan bu dəfə aşağı yaş qruplarıyla görüşüb. Öncə faciədə ölənlərin ruhu 1 dəqiqəlik sükutla yad edilib. Ardınca Tahir bəy 21 il öncə baş verən faciə haqqında danışıb. Məsələyə hər zaman olduğu kimi fərqli yöndən yanaşan başqan baş verən faciənin bir millətin, xalqın deyil bütün bəşəriyyətinin üzüntüsünün olduğunu qeyd etdi. Tahir Gözel yaradılış qayəmizdən danışaraq qeyd edib ki, yer üzərinin bütün insanları eyni yaradılıb, sonra isə insanlar qəlblərindəki tamaha yenilərək Xocalı kimi faciələri törədirlər. 100-lərlə günahsız insanın qətl edilməsinin arxasında heç bir torpaq, milli inanc dayana bilməyəcəyini qeyd etdi. Xocalıda baş verənlərin insanlıq üçün utancverici olduğunu bildirib. Xocalıda qətl edilən uşaqların sadəcə Azərbaycanın deyil bütün insaniyyətin övladları olduğunu bildirib. Hər birimizin öncə insan olduğunu və yaradılış qayəmizdə qan tökməyin, pislik etməyin olmadığını vurğulayıb.
Tahir Gözel tarixi yaşatmaq, tarix üçün şəhid düşənlərin xatirələrinin yaşadılması üçün hər birimizin üzərinə düşən vətəndaşlıq görəvinin artıqlamasıyla yerinə yetirilməli olduğunu vurğulayıb. Yeniyetmələrimizin təhsillərinə xüsusi yanaşmalarının şəhidlərin uğrunda öldükəri amallarının dəyər qazanması üçün bir-birimizlə sıx mənəvi tellərlə bağlanmaq lazım gəldiyini ifadə edib.
