26 fevral 2013 16:03
Xəzər Lənkəranda ikinci argentinalı
Topaz Premyer Liqasının 21-ci turunun “Qəbələ” ilə səfər oyununda daha 1 futbolçu “Xəzər Lənkəran”da debüt etdi. Azerisport.az xəbər verir ki, matça 2-ci hissədə daxil olan Luçano Olgin “ağ-yaşıl” formada ilk oyununu keçirdi. Bu qarşılaşmayadək 158 futbolçu komandada oynamışdısa argentinalı bu siyahıda 159-cu oldu.
Cari mövsüm debüt edənlərin sayı isə 15-ə çatdı. Olginə qədər Ruslan Abışov, Orxan Sadıqlı, Ağabala Ramazanov, Kamran Abdullazadə, Andre Roberto “Beto”, Vanderson Skarduell, Dimitrios Sialmas, Akif Tağıyev, Elnur Cəfərov, Antonio Doblas, Alvaro Silva, Marin Orsuliç, Uğur Pamuk və Gökhan Güleç “Xəzər Lənkəran” tarixində ilk matçına çıxmışdı.
Cənubi amerikalı komandanın tarixində 98-ci legionerdir. Digər 61 oyunçu isə Azərbaycan futbolunun yetirmələridi. Milliləşənlər də nəzərə alınmaqla 98-ə çatan legionerlər ümumilikdə 34 ölkəni təmsil edir. Luçano “Xəzər Lənkəran”ın tarixində 2-ci argentinalıdır. Ona qədər komandada bu ölkəni Dieqo Ruiz təmsil edib. 2010/11 mövsümündə “ağ-yaşıl” forma geyən cənubi amerikalı Premyer Liqada 8 matça 2 qol vurub. 498 dəqiqə meydanda olan hücumçu 2 sarı vərəqə də alıb. O, qollarını “Simurq”la və “Neftçi” ilə görüşlərdə vurub.
XL-da Argentinadan başqa daha 33 ölkədən futbolçu çıxış edib: Rumıniya – 18, Braziliya – 12, Türkiyə - 10, Serbiya – 7, Belarus - 5, Bolqarıstan, Portuqaliya – hərəsi 4, İspaniya - 3, Albaniya, Argentina, Gürcüstan, Kolumbiya, Litva, Rusiya, Kosta-Rika, Mali, Xorvatiya – hərəsi 2, Çexiya, Estoniya, Fransa, Honduras, İsveç, Kot d’ivuar, Moldova, Nigeriya, Qana, Slovakiya, Latviya, Syerra-Leone, Qvineya, Ukrayna, Sloveniya, Yunanıstan, Almaniya – hərəsi 1.
