27 fevral 2013 17:10
Ruslan Abışov: Lokomotiv ilə oyunda debüt edəcəyimə ümidliyəm
Futbol üzrə Azərbaycan yığmasının müdafiəçisi Ruslan Abışov azerisport.az saytına müsahibəsində Rusiyanın “Rubin” klubu ilə müqavilə bağlamasından danışıb, eləcə də digər sualları cavablandırıb.
- Müqavilə bağladıqdan sonra Bakıya qayıdacağınızı gözləmirdik...
- Cəmi bir günlük gəlmişəm. Sabah klubumla birgə Antalyaya təlim-məşq toplanışına gedəcəm. Belekdə hazırlıq prosesi nəzərdə tutulub. Ardından da Avropa Liqasının 1/8 final oyunu çərçivəsində Valensiyaya getməliyik. Ondan sonra isə Rusiya çempionatının oyunları başlayacaq. İlk oyunumuz “Zenit”ə qarşı olacaq.
- Sizi yeni klubunuzda necə qarşıladılar?
- Çox yaxşı. Kurban Berdıyev başda olmaqla bütün komanda mənə böyük diqqət göstərir. “Rubin”də əla atmosfer var. Hamı bir ailə kimidi, dostdu. Hərdən mənə elə gəlir ki, bir neçə ildi bu komandada çıxış edirəm. Yüksək səviyyəli komandada belə də olmalıdı. Çox şadam ki, “Rubin”lə müqavilə imzaladım. Bundan sonra hər şey özümdən asılıdı. Çox çalışmalıyam ki, bəslənilən ümidləri doğruldum.
- Artıq Kazanda olmusuz. Xoşunuza gəlir?
- Çox gözəl şəhərdi. Mərkəzdə yaşayıram. Çox xoşuma gəlir. Düzdü, gəzməyə elə də çox vaxtım olmayıb. Çox qonaqpərvərdilər. Onu da bilirəm ki, “Rubin”in çoxlu fanatı var və komandanı həmişə dəstəkləyirlər.
- Çox gözəl şəhərdi. Mərkəzdə yaşayıram. Çox xoşuma gəlir. Düzdü, gəzməyə elə də çox vaxtım olmayıb. Çox qonaqpərvərdilər. Onu da bilirəm ki, “Rubin”in çoxlu fanatı var və komandanı həmişə dəstəkləyirlər.
- Siz bir müddət öncə əməliyyat olundunuz. Bu, məşqlərdə problem yaratmırdı?
- Mən son dövrlər fərdi hazırlaşırdım. Amma Belekdə komanda ilə çalışacağam. Komandaya uyğunlaşmağım üçün zamana ehtiyacım var. İnanıram ki, “Lokomotiv”lə oyunda debüt edə biləcəm.
- Mən son dövrlər fərdi hazırlaşırdım. Amma Belekdə komanda ilə çalışacağam. Komandaya uyğunlaşmağım üçün zamana ehtiyacım var. İnanıram ki, “Lokomotiv”lə oyunda debüt edə biləcəm.
- Özünüzə ev tutmusuz?
- Hələ yox. Yəqin ki, əvvəl bazada məskunlaşaram. Sonra ayrıca ev tutmaq haqda düşünəcəm.
- Hələ yox. Yəqin ki, əvvəl bazada məskunlaşaram. Sonra ayrıca ev tutmaq haqda düşünəcəm.
- Hansı nömrəni seçmisiz?
- 87 nömrəli geyimi seçdim. Çünki bu, doğum günümdü. Ümid edirəm ki, bu nömrə mənə uğur gətirəcək.
- 87 nömrəli geyimi seçdim. Çünki bu, doğum günümdü. Ümid edirəm ki, bu nömrə mənə uğur gətirəcək.
- “Levante” ilə Avroliqa oyunlarından nə gözləyirsiz?
- Uğur qazanacağımıza ümidliyəm. Əgər “Atletico”nu məğlub edə bildiksə, “Levante”ni də keçə bilərik.
- Uğur qazanacağımıza ümidliyəm. Əgər “Atletico”nu məğlub edə bildiksə, “Levante”ni də keçə bilərik.
- Artıq Azərbaycanda Rusiya çempionatına maraq sizin sayənizdə daha da artmış olacaq...
- Mənə görə həyacan keçirən hər kəsə təşəkkürümü bildirirəm. Qoy “Rubin”in oyunlarına baxsınlar. Mən də bu klubun bir hissəsi olmağa çalışacağam.
