27 fevral 2013 17:18
“Səfər oyunu da Qəbələ üçün ev oyunu kimi olacaq”
Azərbaycan kubokunun ¼ final mərhələsinin ilk oyunları çərçivəsində “Qarabağ” səfərdə “Qəbələ”nin qonağı oldu. Azerisport.az xəbər verir ki, hərəyə bir dəfə fərqlənən tərəflər yekunda heç-heçəylə razılaşmalı oldular – 1:1.
Qarşılaşmadan sonra “Qəbələ”nin baş məşqçisi Ramiz Məmmədov bunları dilə gətirib: “İlk hissədə oyuna nəzarət tam bizdə idi, komanda əzmkarlıqla oynadı. İkinci hissədə Vüqar Nadirovun fərdi ustalığı sayəsində rəqib qapımıza qol vurdu. Səfər oyunu da “Qəbələ” üçün ev oyunu kimi olacaq. Yarımfinala qalacaq dörd güclü komandadan biri biz olacağıq”.
