27 fevral 2013 12:34
Rəşad Abdullayev: Qəbələ ilk üçlükdə yer alacaq güсdədi
“Qəbələ”nin kapitanı Rəşad Abdullayevin azerisport.az saytına müsahibəsi
- “Xəzər Lənkəran”la oyundan sonra tam bərpa dövrü keçə bilmisiz?
- Biz artıq bu oyunu unutmuşuq. “Qarabağ”la kubok oyununa köklənmişik. Bizim üçün bu, vacib görüşdü. Çünki evdə oynayırıq. Mütləq qələbə qazanmaq lazımdı. Cavab görüşünə rahat çıxmaq istəyiriksə, ağdamlıları ilk oyunda mütləq yenməliyik.
- “Qarabağ”la oyunun asan olmayacağını yəqin ki, bilirsiz?
- Əminəm ki, rəqibimiz də qarşısında bu oyunda qol vurmaq vəzifəsi qoyub. Onlar da səfər oyununda qol vurmağın vacibliyini başa düşürlər. Amma əgər biz öz meydanımızda qol buraxmadan qalib gəlsək, mərhələ adlamaq şanslarımızı xeyli artırmış olacağıq.
- Əminəm ki, rəqibimiz də qarşısında bu oyunda qol vurmaq vəzifəsi qoyub. Onlar da səfər oyununda qol vurmağın vacibliyini başa düşürlər. Amma əgər biz öz meydanımızda qol buraxmadan qalib gəlsək, mərhələ adlamaq şanslarımızı xeyli artırmış olacağıq.
- “Qarabağ” təsadüfi hallarda meydanı qolsuz tərk edir...
- Bu düzdü. Amma unutmayın ki, “Qəbələ” son mövsümlərdə “Qarabağ”a qarşı çox uğurlu çıxış edir. Çalışmalıyıq elə edək ki, oyun bizim nəzarətimizdə olsun.
- Nəzərə alsaq ki, rəqibin güclü yarımmüdafiə xətti var, yəqin sizə orta sahədə mübarizə aparmaq çətin olacaq...
- Bəli, bu, belədi. Rəqibimizin yaxşı heyəti var. Amma bizim də heyətimiz güclüdü. Bundan yararlanmalıyıq.
- İlk oyunda sizi hansı nəticə qane edəcək?
- Əsas qələbə qazanmaqdı. Çox qol vurmaqdansa, qol buraxmamaq daha yaxşıdı.
- Əsas qələbə qazanmaqdı. Çox qol vurmaqdansa, qol buraxmamaq daha yaxşıdı.
- “Qəbələ”nin bu mövsüm bircə hədəfi qalıb?
- Bəli, avrokuboklara vəsiqə qazanmaq. “Qəbələ” heç vaxt buna nail olmayıb. Biz isə belə bir ilki gerçəkləşdirmək istəyirik.
- Bəli, avrokuboklara vəsiqə qazanmaq. “Qəbələ” heç vaxt buna nail olmayıb. Biz isə belə bir ilki gerçəkləşdirmək istəyirik.
- Çempionatda ilk üç pillə “Neftçi”, “İnter” və “Qarabağ” arasında bölüşür. Sizə elə gəlmir ki, bu üç klubu qabaqlamaq mümkünsüz görünür. Bu üzdən əsas gücü kuboka yönəltmək daha sərfəli olmazmı?
- Bu klublara heç kim zəmanət verə bilməz ki, onlar mövsümün sonunda yerlərinə qalacaqlar. Hər şey baş verə bilər. Biz ilk üçlüyə girəcək gücdəyik.
