28 fevral 2013 16:56
Neftçi Cavid İmamverdiyevi əvəzedici komandaya göndərdi
“Neftçi” rəhbərliyi və məşqçilər korpusu komandanın yarımmüdafiəçisi Cavid İmamverdiyevin əvəzedici heyətə göndərilməsi haqda qərar qəbul edib. Azerisport.az saytına bu barədə klubun mətbuat xidmətinin rəhbəri Gündüz Abbaszadə məlumat verib.
O, bildirib ki, buna səbəb gənc futbolçunun “Simurq”la kubok oyunundan sonra rəqib futbolçunun üzünə tüpürməsi, eləcə də zəif çıxışıdı. Məhz bu üzdən baş məşqçi Böyükağa Hacıyev İmamverdiyevi cəzalandırmağa qərar verib.
“İndi İmamverdiyev əvəzedici komandada uğurlu çıxış etməklə ümidləri doğrultmalıdı. Əks halda əsas komandaya qaytarılmayacaq”.
Qeyd edək ki, Cavid İmamverdiyev “Simurq”la oyundan sonra rəqib komandanın üzvü Nenad Kisoya tüpürdüyünə görə, hakim tərəfindən qırmızı vərəqə ilə də cəzalandırılıb.
