28 fevral 2013 19:07
Böyükağa Hacıyevdən Cavid İmamverdiyev açıqlaması
“Neftçi”nin baş məşqçisi Böyükağa Hacıyev klubun rəsmi saytına açıqlama verib. Azerisport.az xəbər verir ki, o, Cavid İmamverdiyevin “Simurq”la oyundan sonrakı davranışından danışıb:
“Azərbaycan kuboku uğrunda keçirilmiş “Simurq” - “Neftçi” matçının 75-ci dəqiqəsində Cavid İmamverdiyevi meydana buraxdıq. Futbolçu meydanda olduğu 15 dəqiqə ərzində məşqçilər heyətinin etimadını doğrulda bilmədi. Bundan əlavə Cavid oyundan sonra rəqib komandanın futbolçusuna qarşı qeyri-etik davranmaqla intizam qaydalarını pozdu və haqlı olaraq qırmızı vərəqə ilə cəzalandırıldı. Qarşılaşmadan dərhal sonra məşqçilər heyəti və futbolçuların iştirakı ilə toplantı keçirib klub rəhbərliyinə bu məsələ ilə bağlı hesabat təqdim etdik. Məşqçilər heyətinin birgə rəyi ilə Cavid İmamverdiyevin əvəzedici heyətə göndərilməsi qərara alındı. Bu gün “Neftçi”nin formasında meydana çıxan hər bir futbolçu göstərdiyi oyun və intizamı ilə hamıya nümunə olmalıdı. Bu qaydaları pozan futbolçu kimliyindən asılı olmayaraq etdiyi hərəkətə görə cavab verməlidir”.
