3 mart 2013 17:47
Böyükağa Hacıyev: Qarşıma 5 oyundan 15 xal yığmaq tələbi qoyulmuşdu
“Neftçi”nin baş məşqçisi Böyükağa Hacıyev Topaz Premyer Liqasının 22-ci turunun “Turan” ilə oyununu şərh edib. Azerisport.az xəbər verir ki, paytaxt təmsilçisinin çalışdırıcısı 3:2 hesabıyla başa çatan görüşdən sonra bunları dilə gətirib:
“İlk hissədə oyunçularımız özünə çox arxayın idilər. Fasilədə onlarla danışdım, ikinci hissədə daha yaxşı oynadılar. Əsas heyətdən bir neçə futbolçunun olmaması da oyunumuza təsir etdi. Mirhüseyn Seyidovdan fərqli Emin Mehdiyevin oyunu xoşuma gəlmədi, onu Cavid İmamverdiyevlə əvəzlədim. Cavid də oyunda özünü pis göstərmədi. “Turan” qapımıza iki dəfə yaxınlaşdı və hər ikisində qol vurdu. Qarşıma 5 oyundan 15 xal yığmaq tələbi qoyulmuşdu, bunu yerinə yetirdik. Qarşıda kubok oyunu, ardından isə “Bakı” ilə oyunumuz olacaq. Qrafikin çox sıx olduğuna baxmayaraq, bütün oyunlarda qalib gələcəyik”.
