8 mart 2013 02:17
Denizlisporun azərbaycanlı futbolçuları: Biz belə qrip keçirməmişdik
Türkiyənin PTT Birinci Liqasında mübarizə aparan “Denizlispor” klubunun azərbaycanlı futbolçuları – Rail Məlikovla Arif İsayev yerli mətbuatın diqqət mərkəzinə düşüb. Azerisport.az xəbər verir ki, Türkiyənin “Hürriyet” qəzeti futbolçularımızın bir müddət öncə üzləşdiyi xəstəlikdən qurtulmasından və oynamağa hazır olmasından bəhs edib.
“Təqribən 10 gün öncə demək olar ki, komandanın yarısını əhatə edən qrip xəstəliyi bu iki futbolçunu da yatağa saldı. 40 dərəcə hərarətlə düz dörd gün xəstə yatan Məlikov Bolu səfərinə aparılmadı. Zədə səbəbindən üç həftə komandadan ayrı qalan İsayev də zədəsini sağaltmasına rəğmən, qrip qurbanı oldu və son anda Bolu səfərinə gedəcək siyahıdan çıxarıldı. Ciddi müalicə nəticəsində sağalan futbolçular “Rizespor”la qarşıdakı oyunda forma geyməyə hazır olduqlarını bəyan ediblər:
“Biz belə qrip keçirməmişdik. Addım atmağa halımız yox idi. Ancaq indi yaxşıyıq. Baş məşqçimiz şans versə, oynamaq istəyirik”.
