9 mart 2013 00:48
“Qolun belə gözəl alınacağını gözləmirdim”
Xəbər verdiyimiz kimi, Azərbaycan Premyer Liqasında fevral ayının ən yaxşı qolu müəyyənləşib. Azerisport.az xəbər verir ki, Peşəkar Futbol Liqasının rəsmi saytının azarkeşlər arasında keçirdiyi sorğuda “İnter”in futbolçusu Asif Məmmədov bütün rəqiblərini qabaqlayıb.
O, klub saytına açıqlamasında bununla bağlı fikirlərini açıqlayıb: “Əslində mən gözləyirdim ki, məhz "Xəzər Lənkəran"ın qapısına vurduğum qol ən yaxşı qol seçiləcək. Bildirmək istərdim ki, digər 4 top da çox gözəl vurulmuşdu. O qollar arasında mən "Neftçi"nin futbolçusu Rəşad Sadiqovun "Simurq"un qapısına vurduğu topu xüsusilə qeyd etmək istərdim. "Xəzər"in qapısına vurduğum qol komandamız üçün çox vacib oldu. Uzaqdan zərbə endirməyə qərar verdim və daha sonra topun qapı xəttini keçdiyini gördüm. Etiraf edim ki, qolun bu qədər gözəl alınmasını gözləmirdim. Lakin bununla kifayətlənmək istəmirəm. İnşallah, bu qolun ardı gələcək və "İnter"ə fayda verməkdə davam edəcəyəm".
