13 mart 2013 12:56
Toşak Azərbaycana tək gəlir
“Xəzər Lənkəran”ın yeni baş məşqçisi Con Bencamin Toşakın Azərbaycana nə vaxt gələcəyi müəyyənləşib. Azerisport.az xəbər verir ki, britaniyalı mütəxəssis ölkəmizə martın 15 və ya 16-da təşrif buyurmalıdı.
Maraq üçün bildirək ki, hələlik Toşakın köməkçilərinin kim olacağı bilinmir. Onun ilkin tanışlıq üçün tək gəlməsi gözlənilir. Toşakın köməkçiləri də məhz ondan sonra müəyyənləşəcək. Məşqçilər korpusunda başqa əcnəbilərin də yer alması istisna edilmir.
Gələn həftə Toşakın jurnalistlər üçün mətbuat konfransı keçirməsi də nəzərdə tutulub. Uelsli çalışdırıcının bu səfəri ilə əlaqədar komandaya da istirahət verilməyib.
