14 mart 2013 17:43
“Stiv Olfers az qala bizə yalvarırdı ki, komandada qalsın”
“Qəbələ”nin baş meneceri Zaur Əzizov komandanın sabiq hollandiyalı futbolçusu Stiv Olfersin Azərbaycan futbolu, eləcə də keçmiş klubu haqda tənqidlərinə münasibət bildirib. Azerisport.az saytına müsahibəsində o, bunları dilə gətirib:
“O deyir ki, ailəsi Qəbələdə yox, Bakıda yaşamalı olurdu. Bu, sadəcə şəhərimizdə əcnəbilər üçün uşaq məktəblərinin olmamasına görə idi. Sadəcə, görünür Olfers burda özünə macərə tapa bilməyib. Biz isə onu buna görə dəvət etməmişdik. Amma düz deyir ki, bizdə stadionların hamısı heç də ideal səviyyədə deyil. Olfersin ilk oyunu Tovuz stadionunda baş tutmuşdu və qazonlarla bağlı açıqlamasını hardasa başa düşmək olar. Bu açıqlamalardan yalnız bir nəticə çıxarmaq olar ki, futbolçu bizdən incik gedib. Axı Stivdən biz özümüz imtina etmişdik. O, komandanın gücünə güc qata bilmədi. Meneceri vasitəsilə az qala yalvarırdı ki, komandada qalsın. Əgər indi biz onu geri qaytarmaq istəsək, tam əminəm ki, yenidən Qəbələyə qayıdar. Ona görə də Olfersin bəzi tənqidi açıqlamalarının heç bir əsası yoxdu”.
“O deyir ki, ailəsi Qəbələdə yox, Bakıda yaşamalı olurdu. Bu, sadəcə şəhərimizdə əcnəbilər üçün uşaq məktəblərinin olmamasına görə idi. Sadəcə, görünür Olfers burda özünə macərə tapa bilməyib. Biz isə onu buna görə dəvət etməmişdik. Amma düz deyir ki, bizdə stadionların hamısı heç də ideal səviyyədə deyil. Olfersin ilk oyunu Tovuz stadionunda baş tutmuşdu və qazonlarla bağlı açıqlamasını hardasa başa düşmək olar. Bu açıqlamalardan yalnız bir nəticə çıxarmaq olar ki, futbolçu bizdən incik gedib. Axı Stivdən biz özümüz imtina etmişdik. O, komandanın gücünə güc qata bilmədi. Meneceri vasitəsilə az qala yalvarırdı ki, komandada qalsın. Əgər indi biz onu geri qaytarmaq istəsək, tam əminəm ki, yenidən Qəbələyə qayıdar. Ona görə də Olfersin bəzi tənqidi açıqlamalarının heç bir əsası yoxdu”.
