14 mart 2013 13:25
Yığmamız FİFA reytinqində irəlilədi!
FİFA dünyanın futbol yığmalarının növbəti reytinq siyahısını açıqlayıb. Azerisport.az xəbər verir ki, Azərbaycan yığması yeni açıqlanan siyahıda irəliləyib.
Belə ki, Berti Foqtsun çalışdırdığı komandamız 218-ci pillədən 216-ya yüksəlib. Komandamızın hesabında hazırda 286 reytinq xalı var.
DÇ-2014-ün seçmə mərhələsində yığmamızın rəqiblərindən olan komandalar arasında yalnız Lüksemburqu qabaqlayırıq. Bu komanda 157 xalla 151-ci yerə (3 pillə geri) düşüb. Şimali İrlandiya 5 pillə irəliləyib. İrlandlar hazırda 367 xalla 97-cidilər. Portuqaliya yerində sayıb – 1133 xalla yeddinci. Elə Rusiya da 1064 xalla 10-cu pillədəki mövqeyini qoruyub. İsrail isə dörd pillə geriləyib. Bu ölkənin millisi 485 xalla 74-cü yerdə gedir.
Reytinq siyahısının ilk onluğunda isə vəziyyət belədi: 1. İspaniya (1610 xal), 2. Almaniya (1473), 3. Argentina (1309), 4. İngiltərə (1174), 5. İtaliya (1173), 6. Kolumbiya (1159), 7. Portuqaliya (1133), 8. Hollandiya (1106), 9. Xorvatiya (1080), 10. Rusiya (1064).
Qeyd edək ki, növbəti reytinq cədvəli aprelin 11-də açıqlanacaq.
