15 mart 2013 16:50
ARDNŞ AFFA-nın payını azaltdı
AFFA-nın büdcəsində Azərbaycan Dövlət Neft Şirkətinin (ARDNŞ/SOCAR) payı azalıb. Azerispor.az xəbər verir ki, şirkət asossiasiyaya ötən illə müqayisədə 923 min 500 manat az vəsait köçürəcək.
Belə ki, 2012-ci ildə AFFA büdcəsinin 10 milyon 923 min 500 manatı SOCAR-ın hesabına formalaşmışdı. Bu il isə bu rəqəm 10 milyon manat olacaq.
UEFA, FİFA və başqa partnyorladan gəlirlər də azalıb. Belə ki, ötən il bu gəlirlər 7 milyon 788 min 173 manat olubsa, bu il 7 milyon 320 min manat olacaq.
Göründüyü kimi AFFA-nın büdcəsi bu il 2012-yə nisbətən az olacaq. 2012-də bu rəqəm 18 milyoqn 711 min 773 manat olubsa, 2013-də 17 milyon 320 min manat təşkil edəcək. Fərq 1 milyon 391 milyon 673 manatdı.
