19 mart 2013 00:07
UEFA AÇ-2020-nin keçirilməsi üçün ərizələrin verilməsi qaydalarını müzakirə edəcək
UEFA İcraiyyə Komitəsinin növbəti iclasının əsas mövzusu 2020-ci il Avropa çempionatı matçlarının keçirilməsinə görə ərizələrin təqdim edilməsi qaydaları olacaq. Azerisport.az xəbər verir ki, bu barədə təşkilatın saytı məlumat yayıb.
UEFA prezidenti Mişel Platinin rəhbərliyi ilə İcraiyyə Komitəsi AÇ-2020-nin final mərhələsinin keçirilməsinə görə tələb və ərizələrin verilmə qaydalarının ratifikasiyasına dair məsələni nəzərdən keçirəcək. Çempionatın oyunları dekabrda qəbul edilən qərara əsasən, Avropanın 13 şəhərində keçiriləcək.
Qeyd edək ki, UEFA AÇ-2020-yə ev sahibdliyi edəcək şəhərləri 2014-cü ilin sentyabrında müəyyənləşdirəcək.
İcraiyyə Komitəsi Sofiyada aşağıdakı turnirlərin formatını da qəbul etməlidi: Çempionlar Liqası - 2013/14, Avropa Liqası - 2013/14, Superkubok - 2013, qadınlar arasında Çempionlar Liqası - 2013/14, yeniyetmələrin liqası - 2013/14, futzal üzrə kubok - 2013/14.
İcraiyyə Komitəsinin iclası martın 28-də Sofiyada keçiriləcək.
