19 mart 2013 13:09
Berti Foqts yığmamızdan getmək istəyir
Futbol üzrə Azərbaycan milli komandasının baş məşqçisi Berti Foqts gələcək karyerası ilə bağlı açıqlama verərkən başqa bir komandada baş məşqçi işləyəcəyini istisna etməyib. Azerisport.az xəbər verir ki, almaniyalı mütəxəssis ölkəsindən olan jurnalistlərə açıqlamasında bunları söyləyib:
"Mənim yenidən Almaniyada işləməyim tamamilə mümkündü. Beş ildir Azərbaycanda çalışıram. Lakin oranın futbolunda inkişaf çox ləng gedir. Klubların baş məşqçilərinin dəstəyi olmadan biz istədiklərimizi həyata keçirə bilməyəcəyik.
Baş məşqçi bir daha bəyan edib ki, uğur əldə etmək üçün futbolçular daha çox məşq etməlidirlər: "Onlar çox az hazırlaşırlar. Bu da əsas problemlərdən biridi. Alman futbolçular gündə iki dəfə , azərbaycanlılar isə həftədə 3-4 dəfə məşq edirlər".
