20 mart 2013 11:20
Berti Foqts: Lüksemburqa tam fərqli yanaşırıq
Futbol üzrə Azərbaycan yığmasının baş məşqçisi Berti Foqts DÇ-2014-ün seçmə mərhələsi çərçivəsində Lüksemburqa qarşı keçirəcəkləri oyun öncəsi müsahibələr və açıqlamalar verməyə davam edir. Azerisport.az sizi almaniyalı mütəxəssisin növbəti açıqlamaları ilə tanış edir.
“Bizim hədəfimiz gənclərdən ibarət komanda yaratmaqdı. Bu komanda ilə AÇ-2016-ya çıxmaq üçün mübarizə aparmaq istəyirik. Çox gənc komandamız var. Baxmayaraq ki, heyətdə yaşlı və təcrübəli futbolçular da var. AÇ-2016-ya qədər özümüz üçün şans yaratmaq istəyirik”.
Foqts DÇ-2014-ün seçmə mərhələsində komandasının çıxışını belə qiymətləndirib:
“Bu tsikldə evdə yalnız İsraillə qarşılaşmışıq. O vaxt biz çox yaxşı oynamışdıq. Rusiyaya 86-cı dəqiqədə buraxdığımız qolla uduzduq. Halbuki, qapımıza mübahisəli penalti təyin olunmasaydı, uduzmayacaqdıq. Çünki qayda pozuntusu cərimə meydançasında edilməmişdi. Rusiya ilə oyunlar Azərbaycan yığması üçün çox prinsipialdı. Çünki bu uzun illər Azərbaycanı təzyiq və əsarət altına saxlamış bir millətə qarşı keçirilirdi. Şimali İrlandiya ilə səfər matçında 96-cı dəqiqədə qol buraxdıq. İndi iki xalımız var. Amma daha çox olmalıydı”.
“Bu tsikldə evdə yalnız İsraillə qarşılaşmışıq. O vaxt biz çox yaxşı oynamışdıq. Rusiyaya 86-cı dəqiqədə buraxdığımız qolla uduzduq. Halbuki, qapımıza mübahisəli penalti təyin olunmasaydı, uduzmayacaqdıq. Çünki qayda pozuntusu cərimə meydançasında edilməmişdi. Rusiya ilə oyunlar Azərbaycan yığması üçün çox prinsipialdı. Çünki bu uzun illər Azərbaycanı təzyiq və əsarət altına saxlamış bir millətə qarşı keçirilirdi. Şimali İrlandiya ilə səfər matçında 96-cı dəqiqədə qol buraxdıq. İndi iki xalımız var. Amma daha çox olmalıydı”.
Almaniyalı mütəxəssis martın 22-də qarşılaşacaqları Lüksemburq haqda da danışıb: “Lüksemburq zəif komandadı? Gözləyin! Biz isə bu rəqibə tam fərqli baxırıq. Lüksemburq Azərbaycanla eyni səviyyədədi. Şanslar isə əllinin əlliyədi. Lüksemburqluların Maltaya qarşı oyununu izləmişəm. Mənim klubum – Münhenqladbax “Borussia”sı onların oyunçuları ilə maraqlanırdı. Orda yaxşı futbolçular var”.
