21 mart 2013 11:02
İnter yeddi cavabsız qolla qalib gəldi
Premyer Liqada çıxış edən klubların əvəzedici heyətləri arasındakı ölkə çempionatında da 23-cü turun başa çatmasından sonra fasilə yaranıb. Azerisport.az xəbər verir ki, fasilədən sonra “İnter”in baş məşqçisi Tofiq Mustafayev yetirmələrinə bir neçə günlük istirahət vermişdi.
Daha sonra bir araya gələn komanda "Şəfa" stadionunda məşqlərə başlamışdı. "İnter"in əvəzedici heyəti "Şəfa" stadionunda yoxlama görüşündə də qüvvəsini sınayıb. Birinci dəstə təmsilçisi "Şuşa" ilə keçirilən oyun bu komandanın 7:0 hesablı qələbəsilə başa çatıb. "İnter"in heyətində Nurxan Mənsimzadə və Zeynal Hacıyev hərəyə iki qol vurdular, rəqibin qapısından diqər topları isə Sərtan Taşkın, Elnur Süleymanov və Qaraxan Əliyev keçiriblər.
Qeyd edək ki, Tofiq Mustayevin komandası çempionatda yaranmış fasilə zamanı daha bir yoxlama görüşünün keçirilməsini planlaşdırır.
