23 mart 2013 12:01
Sadıqov: Portuqaliya ilə oyunda 3 xal qazanmağa çalışacağıq
Futbol üzrə Azərbaycan yığmasının və “Qarabağ”ın müdafiəçisi Rəşad Sadıqov DÇ-2014-ün seçmə mərhələsi çərçivəsində Lüksemburqla baş tutan oyunu şərh edib. Azerisport.az saytına müsahibəsində müdafiəçi qolsuz heç-heçə ilə bağlı öncə bunları dilə gətirib:
- Ola bilsin ki, kənardan bu, o qədər də diqqət çəkmirdi. Amma qazon həddən artıq ağır idi. Bir neçə gün öncə bura qar yağmışdı. Belə meydanda sürətli futbol oynamaq çox çətindi. Rəqib isə səliqəli müdafiə olunurdu, əks-hücumları da təhlükəli alınırdı. Biz də öz növbəmizdə çox çalışdıq. Uşaqların qol vəziyyətləri də oldu. Top gah dirəyə dəydi, gah da qapıçıdan qayıtdı. Qələbə qazanmaq istəyirdik. Amma alınmadı. Əgər qalib gəlsəydik, indi beş xalımız var idi. Qrupdakı mövqeyimizi də yaxşılaşdırmış olacaqdıq. Hazırda isə cəmi üç xalımız var. Əksər oyunlarımızı səfərdə keçirmişik. Bu üzdən də nəticəni o qədər pis saymaq olmaz. Baxmayaraq ki, daha çox xalımız ola bilərdi.
- Komandada atmosfer necədi?
- Əgər qarşıda daha bir oyunumuz olmasaydı, ona çox məyus olardıq. Amma biz indi Portuqaliya ilə oyunu düşünməliyik. Fikrimcə, Portuqaliya ilə heç-heçə edə bilsək, Lüksemburqdakı nəticəni kompensasiya edə bilərik.
- Berti Foqts nə dedi?
- O, nə çox razı, nə də narazı deyil. Özümüz də başa düşürük ki, qələbə qazanmalıydıq. Bir qədər buna görə məyusluq var. Belə oyunlarda ələ düşən hər fürsətdən maksimum yararlanmaq lazımdı.
- O, nə çox razı, nə də narazı deyil. Özümüz də başa düşürük ki, qələbə qazanmalıydıq. Bir qədər buna görə məyusluq var. Belə oyunlarda ələ düşən hər fürsətdən maksimum yararlanmaq lazımdı.
- Portuqaliya Bakıya Ronaldosuz gəlir. Sizcə, bu, rəqibin oyununa təsir göstərəcək?
- Rəqibin kimliyindən asılı olmayaraq, biz evdə həmişə nəticəyə oynayırıq. Çalışacağıq ki, bu komandaya da uduzmayaq. Digər şeylər haqda düşünmürük.
- Rəqibin kimliyindən asılı olmayaraq, biz evdə həmişə nəticəyə oynayırıq. Çalışacağıq ki, bu komandaya da uduzmayaq. Digər şeylər haqda düşünmürük.
- Bəs qələbə haqda necə?
- Əgər imkan olsa, üç xal da qazanmağa çalışacağıq.
- Əgər imkan olsa, üç xal da qazanmağa çalışacağıq.
