24 mart 2013 00:41
Simurq Gürcüstandan qalib qayıdır
DÇ-2014-ün seçmə qrup mərhələsinin oyunları ilə əlaqədar Topaz Premyer Liqasında yaranmış fasilədən istifadə edərək Gürcüstana yollanan "Simurq" yoldaşlıq görüşünə çıxıb. Azerisport.az xəbər verir ki, Zaqatala klubunun rəqibi Qori şəhərinin təmsilçisi "Dila" klubu olub.
Əvvəldən sona qədər üstün oyun nümayiş etdirən “sarı-qaralar” qarşılaşmadan qalib ayrılıb. Zaqatala təmsilçisinin qolunu oyunun 14-cü dəqiqəsində cərimə zərbəsindən Marçin Burhard vurub. Bundan sonra da qarşılaşmada hesabı artırmaq üçün qol şansları düşsə də, futbolçular bundan yararlana bilməyib və matç bu hesablada başa çatıb.
Qeyd edək ki, bu gün komanda Zaqatala qayıdacaq və Topaz Premyer Liqasının növbəti turuna hazırlıqları doğma arenada davam etdirəcək. “Simurq”un rəqibi aprelin 30-da "Bakı" klubu olacaq.
Yoldaşlıq görüşü
23 mart
Dila – Simurq – 0:1
Qol: Marçin Burhard, 14.
Baş hakim: Xvica Qaqanidze.
Tengiz Burcanadze stadionu, 1000 azərkeş.
Simurq: 22 David Petrkeviç, 4 Dilaver Zrnanoviç, 6 Anderson Oliveyra, 7 Ruslan Poladov, 13 Aleksandr Şemonayev (K), 8 Qərib İbrahimov, 9 Marçin Burkhardt, 21 Murad Səttarlı, 25 Mario Bojiç, 28 Nenad Kiso, 12 Tomislav Buşiç.
Dila: 32 Şekriladze, 7 Aladaşvili (K), 99 Totadze, 6 Kvaxadze, 77 Qvalia , 14 Aburdcania, 12 Qoqua, 11 Kaxeleşvili, 23 Cişkriani, 20 Natan Junior, 80 Leonardo
