24 mart 2013 12:30
Portuqaliyanın Bakıdakı ilk məşqi (VİDEO)
Xəbər verdiyimiz kimi, martın 26-da DÇ-2014-ün seçmə mərhələsi çərçivəsində Azərbaycan yğıma komandasının qonağı olacaq Portuqaliya millisi artıq Bakıdadı. Azerisport.az xəbər verir ki, ötən gün qonaqlar "Bakı" futbol klubunun təlim-məşq bazasının stadionunda açıq məşq keçiriblər.
Təxminən 90 dəqiqə davam edən məşqi Portuqaliya mediasının nümayəndələri ilə bərabər yüzlərlə azarkeş izləyib. Qızınma hərəkətlərinin ardından topla təmrinlər yerinə yetirən qonaqlar məşqi standard vəziyyətlərin icrası ilə tamamlayıblar. Portuqaliya milli komandasının futbolçuları və texniki heyət nümayəndələri klub bazasının infrastrukturu ilə tanışlıqdan sonra yaradılan şəraiti yüksək qiymətləndirərək, "Bakı" futbol klubunun rəhbərliyinə təşəkkürlərini bildiriblər.
Qeyd edək ki, Portuqaliya millisi bu gün “Bakı”nın bazasında daha bir məşq keçirib. Saat 11-də baş tutacaq məşq qapalı xarakter daşıyıb.
