26 mart 2013 00:01
Rəvan hazırlıqları iki yeni futbolçu ilə bərpa etdi
"Rəvan” Topaz Premyer Liqasının 24-cü turu çərçivəsində "Turan”a qarşı keçiriləcək oyunun hazırlıqlarına start verib. Azerisport.az xəbər verir ki, komanda şənbə günü "Bakı” ilə yoldaşlıq oyunu keçirdiyindən bazar günü futbolçulara istirahət verilmişdi. Ötən gün isə "Rəvan” baş məşqçi Ramil Əliyevin rəhbərliyi altında məşqlərini bərpa edib.
"Bayıl Arena”da baş tutan məşq prosesi ənənəvi isinmə hərəkətləri ilə başlayıb. Ardından bir qədər fiziki çalışmalara vaxt ayrılın. Əsas diqqət isə toplu çalışmalarla bağlı olub. Baş məşqçinin tapşırığı əsasında futbolçular həm 1 toxunuşlu ötürmələr üzərində işləyiblər, həm də "kvadrat” oynayıblar. Hazırlığın sonunda qapıya zərbələr daha çox diqqət ayrılıb.
Qeyd edək ki, baş məşqçi Ramil Əliyev düşərgəyə əvəzedicilərdən ibarət komandanın üzvlərini də cəlb edib. İndi qapıçı Sadiq Ramazanov və müdafiəçi Cəmil Rəhimli daha təcrübəli komanda yoldaşları ilə birgə hazırlıq keçir.
