27 mart 2013 14:04
Vəli Qasımov: Rəqib qapıya bir dənə də zərbə endirmiriksə, nəyə ümid edə bilərdik?
Futbol üzrə Azərbaycan yığmasının sabiq məşqçisi Vəli Qasımov DÇ-2014-ün seçmə mərhələsi çərçivəsində keçirilmiş Portuqaliya ilə oyunu şərh edib. Azerisport.az saytına müsahibəsində o, 0:2 hesablı məğlubiyyətlə bağlı bunları dilə gətirib.
“Danışılası heç nə yoxdu. Hər şey göz önündə idi. Müdafiədən oynayıb, yaxşı nəyəsə ümid etmək çətindi. Birinci hissədə rəqibimiz zəif oynadı. Amma fasilədən sonra öz oyununu tapdı. Yığmamızın futbolçuları onda günahkardılar ki, heç nədən sarı vərəqə alırlar, komandanı çətin vəziyyətdə qoyurlar. Fikrimcə, hətta qırmızı vərəqə olmasaydı da, yığmamız məğlub olacaqdı. Üstünlük nəticəyə də təsir göstərəcəkdi. Əgər rəqib qapısına bir dənə də zərbə endirmiriksə, nəyə ümid edə bilərik? Yığmanın heyətində yalnız Kamran Ağayevi qeyd etmək olar. Çox inamlı təsir bağışladı. Başqa heç birini vurğulamaq olmaz. Komanda oyunu yox idi. Hətta ardıcıl üç ötürmə etməyi bacarmırdılar”.
