28 mart 2013 17:26
İsrail Azərbaycan millisi ilə oyunun stadionunu dəyişməkdən imtina etdi
İsrail Futbol Federasiyası DÇ-2014-ün seçmə mərhələsi çərçivəsində Azərbaycana qarşı keçirəcəkləri ev oyununun stadionunun dəyişdirilməsinə dair istəkləri rədd edib. Azerisport.az xəbər verir ki, qarşılaşma öncədən də nəzərdə tutulduğu kimi, Ramat-Qandakı stadionda baş tutacaq.
Qeyd edək ki, İsrail – Azərbaycan matçının başqa arenada keçirilməsini meydan sahiblərinin futbolçuları tələb edirdilər. Onlar bunu Ramat-Qandakı arenanın tribunalarının meydandan aralı olması və azarkeşlərin dəstəyini tam hiss edə bilməmələri ilə əlaqələndirirdilər. Hətta məşqçilər korpusu da bu məsələdə futbolçuları dəstəkləmişdilər.
Lakin federasiya rəhbərliyi onların bu istəyini nəzərə almayıb. İFF bunu onunla əlaqələndirib ki, artıq Azərbaycanla oyuna 22 min bilet satılıb və bu qədər azarkeşi ölkədəki digər arenaların heç birinə sığışdırmaq olmaz.
Maraq üçün qeyd edək ki, İsrail – Azərbaycan matçı sentyabrın 6-da keçiriləcək.
