29 mart 2013 12:34
Araz Abdullayev zaminə buraxıldı
Bir nəfərin ölümü və bir nəfərin xəsarət alması ilə nəticələnən ağır yol qəzasına görə saxlanılan "Neftçi" futbol klubunun oyunçusu Araz Abdullayev zaminə buraxılıb. Azerisport.az xəbər verir ki, bu barədə klubun mətbuat xidmətinin rəhbəri Gündüz Abbaszadə məlumat verib.
Onun sözlərinə görə, klub Araz Abdullayevin buraxılması üçün zamin durub. Abbaszadə deyib ki, cinayət işinin istintaqı davam edir. İstintaqın yekunu olaraq qərar çıxarılacaq.
Qeyd edək ki, "Neftçi" klubunun yarımmüdafiəçisi Araz Abdullayev martın 28-də komandanın bazasına məşqə gələrkən idarə etdiyi maşınla Nobel prospektində Xətai rayon MKİS-in 2 işçisini vurub. Qadın süpürgəçilərdən biri hadisə yerində dünyasını dəyişib, digəri ağır vəziyyətdə xəstəxanaya yerləşdirilib. (Trend)
