30 mart 2013 01:55
Ermənistan AÇ-2020-yə ev sahibliyi uğrunda Azərbaycanla mübarizəyə girişir
Ermənistan Futbol Federasiyası (EFF) 2020-ci ildə keçiriləcək Avropa çempionatının final mərhələsinin oyununu qəbul etmək üçün namizədliyini irəli sürəcək. Azerisport.az xəbər verir ki, bu haqda EFF-nin prezidenti Ruben Ayrapetyan məlumat verib.
O bildirib ki, yaxın illərdə İrəvandakı “Razdan” yenidən qurulmağa başlayacaq: “Ermənistan prezidenti yaxın beş ildə qarşımıza “Razdan” stadionunu yenidən qurmaq və onu Avropadakı ən yaxşı arenalardan birinə çevirmək vəzifəsi qoyub”.
Xatırladaq ki, UEFA İcraiyyə Komitəsinin qərarına əsasən, AÇ-2020 ilk dəfə olaraq qitənin 13 müxtəlif şəhərində keçiriləcək. Oyunları qəbul edəcək namizəd şəhərlər arasında Azərbaycanın paytaxtı Bakı da var.
