30 mart 2013 23:35
Azərbaycan Slovakiyanı da məğlub edib, AÇ-yə lider kimi vəsiqə qazandı (YENİLƏNİB)
Futzal üzrə Avropa çempionatının əsas seçmə mərhələsində Azərbaycan milli komandası bu gün qrupdakı son oyununu keçirib. Azerisport.az xəbər verir ki, Slovakiyanın Bratislava şəhərindəki "Interhala Pasienky" kompleksində keçirilən qarşılaşmada millimizin rəqibi meydan sahibləri olub.
Qeyd edək ki, bu, 2-ci qrupun liderliyini müəyyələşdərəcək qarşılaşma idi. Bu oyun öncəsi 6 xala malik Azərbaycan millisinin AÇ-nin final mərhələsinə qrup lideri kimi vəsiqə qazanması üçün heç-heçə də kifayət idi. Lakin 4 xalı olan Slovakiya yalnız yığmamıza qalib gələcəyi halda ilk yeri tuta bilərdi. Görüşdə hesabı məhz meydan sahibləri açıblar. Amma yığmamız son dəqiqələrdə iki qol vuraraq, əzmkar qələbə qazanıb və AÇ-yə qrup lideri kimi vəsiqə qazanıb.
Qrupun digər oyununda isə Bosniya və Herseqovina Norveçlə qarşılaşıb. Bosniyalılar 4 cavabsız qolla qələbə qazanıblar. Nəticədə, qrup ikinciliyi məhz bosniyalılara qismət olub.
Xatırladaq ki, millimiz əsas seçmə mərhələnin ilk oyununda Norveç yığmasını 6:0 hesabı ilə məğlub etmişdi. Bosniya və Herseqovinaya isə 3:2 hesabıyla qalib gəlmişdi. Slovakiyaya gəlincə, bu komanda Bosniya və Herseqovina ilə 4:4 hesablı heç-heçə etdikdən sonra, Norveçi 4:3 yenmişdi.
AÇ-nin əsas seçmə mərhələsi
2-ci qrup
30 mart
Norveç - Bosniya və Herseqovina - 0:4
Azərbaycan – Slovakiya - 2:1 (0:1)
Qollar: Bahna, 12 (0:1), Biro Jade, 39 (1:1), N.Məmmədkərimov, 39 (2:1).
Azərbaycan millisi AÇ-də bu heyətlə mübarizə aparır: Buranello Laercio Giovani, Elnur Zamanov, İlkin Hacıyev, Dos Santos Felipe Ribeyro, Eduardo Mello Borges, Rəcəb Fərəczadə, Rizvan Fərzəliyev, Dos Santos Nilson Mashado, Namiq Məmmədkərimov, De Souza Edigleuson Alves, Vitali Borisov, Fərid Ələkbərov, Elnur Qəmbərov, Jadder Dantas.
|
Azərbaycan
|
3
|
3
|
0
|
0
|
11-3
|
9
|
|
Bosniya-Hers.
|
3
|
1
|
1
|
1
|
10-7
|
4
|
|
Slovakiya
|
3
|
1
|
1
|
1
|
9-9
|
4
|
|
Norveç
|
3
|
0
|
0
|
3
|
3-14
|
0
|
