4 aprel 2013 11:52
Qarabağda Neftçi ilə derbi öncəsi mühüm görüş (FOTOLAR)
“Qarabağ” aprelin 6-da “Neftçi” ilə qarşılaşacaq. Azerisport.az xəbər verir ki, çempionluq üçün mübarizə aparan Ağdam klubunun rəhbərliyi bu vacib oyun öncəsi ənənəvi dəstəyini hiss etdirib.
Belə ki, klıubun başqanı Tahir Gözəl əhəmiyyətli görüşdən qabaq komandanı bir araya toplayıb. “Qarabağ”ın idari, texniki və inzibatı heyətinin iştirakı ilə yemək masası arxasında baş tutan görüş olduqca səmimi alınıb. Hər kəslə bir-bir salamlaşan başqan derbi öncəsi komandanın yanında olduğunu nümayiş etdirib. Tahir bəy komandanın son çıxışlarından danışıb və cari hədəflərini bir daha vurğulayıb. Çempionluğun “Qarabağ” camiəsi üçün vacib olduğunu və komandanın sonda qızıl medalları boğazından asacağına inandığını bildirib. Tahir bəy görüşdə iştirak edən hər bir şəxslə ayrılıqda söhbət edib, problemlərlə maraqlanıb. Sonda o, bir daha Azərbaycanın ən möhtəşəm klub və komandasının başqanı olmasından duyduğu məmnuniyyəti ifadə edib.
