8 aprel 2013 17:22
Xaqani Məmmədov: Hakim daha iki oyunçuya qırmızı vərəqə verə bilərdi
AFFA Hakimlər Komitəsinin sədri Xaqani Məmmədovun azerisport.az saytına müsahibəsi
- Son turun “Neftçi” – “Qarabağ” (1:2) oyunundan sonra paytaxt klubu hakimlərin onları qəsdən uduzdurduğunu bəyan etməyə başladı...
- Mən bu oyuna stadiondan baxırdım və deyə bilərəm ki, hakimlərin nəticəyə təsir edə biləcək səhvləri olmadı. Əlbəttə, bəzi epizodlarda kiçik səhvlər oldu. Məsələn, Rəhim Həsənov daha çox sarı vərəqə göstərə bilərdi, hər iki komandadan daha iki futbolçunu meydandan qova bilərdi. Amma bütövlükdə o, normal oyun idarə etdi.
- Bəs penalti?
- Bu, düzgün qərar idi. Mitreskiyə göstərilən qırmızı vərəqə də doğru idi. Burda başqa fikir ola da bilməz.
- Bu, düzgün qərar idi. Mitreskiyə göstərilən qırmızı vərəqə də doğru idi. Burda başqa fikir ola da bilməz.
- “Neftçi”də isə belə hesab edirlər ki, Mitreski qəsdən meydandan qovuldu ki, “Simurq”la növbəti oyunda iştirak edə bilməsin...
- Qoy onlar öz futbolçularından soruşsunlar ki, qaydanı niyə pozur? “İnter”lə oyunda Rəşad Sadiqov da iki layiqli sarı vərəqə aldı və meydandan qovuldu. “Qarabağ”ın da futbolçuları qaydanı pozurdular. Əgər qayda pozulursa, hakim günahkarları cəzalandırmalıdı. Yenə də təkrar edirəm ki, Həsənov daha çox vərəqə göstərə bilərdi.
- Mətbuatda belə söhbətlər dolaşır ki, fasilədə “Neftçi”nin rəsmiləri hakimlərin otağına daxil olublar...
- Belə bir şey olmayıb. Hakimlərin otağına heç kim girməyib. Çünki hakimlər PFL-in və stadionun təhlükəsizlik xidməti tərəfindən qorunurlar.
- Hakimliklə bağlı narazılıqlar yenə çoxalmağa başlayıb...
- Məğlub olan komandanın hakimlikdən narazı qalması ilk dəfə deyil. Mövsümün əvvəlində məşqçilər klub prezidentlərindən, sponsorlardan bir neçə bahalı futbolçu almağı tələb edir, qarşılığında isə çempionluq və ya kubok sözü verir. Amma mövsümün sonunda bu alınmayanda, günahı başqa məqamlarda axtarmaq ehtiyacı yaranır. Bu mənada hakimliyi hədəf seçmək ən asan yollardan biridi. Hakim də inşandı, o da səhv edə bilər. Lakin etiraf etmək lazımdı ki, nəticəyə təsir edən səhvlər yoxdu.
- Mövsümün sonu yaxınlaşdıqca hakimlərin psixoloji təzyiqə tab gətirməməsi mümkündü?
- Hakimlərimiz hər şeyə hazırdılar. Onlar istənilən gərginlikli oyunu idarə edə bilərlər. Biz öz hakimlərimizə inanırıq.
- Hakimlərimiz hər şeyə hazırdılar. Onlar istənilən gərginlikli oyunu idarə edə bilərlər. Biz öz hakimlərimizə inanırıq.
