9 aprel 2013 17:15
Qarabağın baş məşqçisinə beş oyunluq cəza, Qəbələ və Turana texniki məğlubiyyət!
Bu gün AFFA İntizam Komitəsinin növbəti iclası keçirilib. Azerisport.az xəbər verir ki, aparılan müzakirələrdən sonra AFFA-nın aşağı yaşlılar arasında keçirdiyi ölkə çempionatlarının oyunları ilə bağlı aşağıdakı qərarlar çıxarılıb:
7 aprel 2013-cü il tarixdə U-19 Liqasının “Qarabağ” – “Qəbələ” matçının 87-ci dəqiqəsində “Qəbələ”nin futbolçusu Tərlan Əhmədovla, “Qarabağ”ın futbolçusu Coşqun Qorçuyev bir-birini təhqir etdiyinə görə birbaşa qırmızı vərəqə alaraq meydandan kənarlaşdırıldıqları üçün 3 oyunluq cəzalanıb.
3 aprel 2013-cü il tarixdə U-19 Liqasının “Qarabağ” – “Bakı” matçının 42-ci dəqiqəsində “Qarabağ”ın futbolçusu Elçin Rəhimli kobud oyuna görə birbaşa qırmızı vərəqə alaraq meydandan kənarlaşdırıldığı üçün 2 oyunluq cəzalanıb.
11 mart 2013-cü il tarixdə U-17 Liqanın “Xəzər Lənkəran” – “Turan” matçında qonaq komanda iştirak etmədiyi üçün kluba 0:3 hesablı texniki məğlubiyyət verilib.
1 aprel 2013-cü il tarixdə U-17 Liqanın “Simurq” – “Rəvan” matçının 70-ci dəqiqəsində “Simurq”un futbolçusu Yusif Dilanov kobud oyuna görə birbaşa qırmızı vərəqə alaraq meydandan kənarlaşdırıldığı üçün 2 oyunluq cəzalanıb.
1 aprel 2013-cü il tarixdə U-17 Liqanın “Gənclik” – “Xəzər Lənkəran” matçının 29-cu dəqiqəsində “Xəzər Lənkəran”ın futbolçusu Zaur Nuruzadə kobud oyuna görə birbaşa qırmızı vərəqə alaraq meydandan kənarlaşdırıldığı üçün 2 oyunluq cəzalanıb.
1 aprel 2013-cü il tarixdə U-17 Liqanın “Turan” – “Neftçi” matçının 68-ci dəqiqəsində “Turan”ın futbolçusu Ülvi Sarıyev komanda yoldaşını təhqir etdiyinə görə birbaşa qırmızı vərəqə alaraq meydandan kənarlaşdırıldığı üçün 3 oyunluq cəzalanıb.
4 aprel 2013-cü il tarixdə U-16 Liqasının “Qarabağ” – “Qəbələ” matçının 66-cı dəqiqəsində “Qarabağ”ın futbolçusu Elmir Namazovla “Qəbələ”nin futbolçusu Çingiz Hüseynov aqressiv oyuna görə birbaşa qırmızı vərəqə alaraq meydandan kənarlaşdırıldıqları üçün hər ikisi 4 oyunluq cəzalanıb.
5 aprel 2013-cü il tarixdə U-15 Liqanın “Bakı” – “Qarabağ” matçının 60-cı dəqiqəsində “Qarabağ”ın baş məşqçisi İsa Fərzəliyev hakimi təhqir etdiyinə görə meydandan kənarlaşdırıldığı üçün 5 oyunluq cəzalanıb.
6 aprel 2013-cü il tarixdə U-13 Liqasının ROİL – “Sərhədçi” matçında “Sərhədçi” klubu iştirak etmədiyi üçün kluba 0:3 hesablı texniki məğlubiyyət verilib.
6 aprel 2013-cü il tarixdə Həvəskarlar arasında futzal üzrə Azərbaycan birinciliyinin “Akkord” – “Qəbələ” matçında “Qəbələ” klubu iştirak etmədiyi üçün kluba 0:5 hesablı texniki məğlubiyyət verilib.
