9 aprel 2013 17:58
Rail Məlikov: Arif İsayev azarkeşlərin, rəhbərliyin simpatiyasını qazana bilib
Türkiyənin “Denizlispor” klubunun azərbaycanlı müdafiəçisi Rail Məlikovun azerisport.az saytına müsahibəsi
- “Adanaspor”la son oyununuz haqda nə deyə bilərsiz?
- Xal qazana bilmədik. Hesab 0:0 olanda bəzi qol vurmaq şanslarımız oldu. Amma bunlardan yararlana bilmədik. Əvəzində rəqib ələ düşən şansları boşa vermədi. İki səhvə yol verdik, nəticədə də məğlub olduq.
- Sizin də səhviniz oldu?
- Bu oyunu komandamızın əsas heyət üzvü olan sağ cinah müdafiəçisi buraxmaq məcburiyyətində qalmışdı. Məşqçilər korpusu mənim vaxtilə sağ cinahda oynadığımı nəzərə alıb, bu mövqedə oynamağımı istədilər. Qollara gəlincə, bunlar mənim səhvlərim nəticəsində olmadı. Özü də oyunun gedişində zədələndim. Buna baxmayaraq, oyunu sonadək davam etdirdim. Hələ zədəmin nə qədər ciddi olduğunu bilmirəm. Müayinələr göstərəcək.
- Bu oyunu komandamızın əsas heyət üzvü olan sağ cinah müdafiəçisi buraxmaq məcburiyyətində qalmışdı. Məşqçilər korpusu mənim vaxtilə sağ cinahda oynadığımı nəzərə alıb, bu mövqedə oynamağımı istədilər. Qollara gəlincə, bunlar mənim səhvlərim nəticəsində olmadı. Özü də oyunun gedişində zədələndim. Buna baxmayaraq, oyunu sonadək davam etdirdim. Hələ zədəmin nə qədər ciddi olduğunu bilmirəm. Müayinələr göstərəcək.
- Məğlub olmağınıza baxmayaraq, bizim üçün müsbət olacaq bir məqam var: komandanızın yeganə qoluna Arif İsayev imza atdı...
- Bu, həqiqətən də son oyunla bağlı yeganə xoş məqamdı. Təəssüf ki, Arifin bu qolu əlavə vaxtda vuruldu və heç-heçəyə nail olmaq üçün vaxtımız qalmamışdı. İsayev oyuna çox fəal qoşuldu. Komanda son dəqiqələrdə çox inamlı çıxış edirdi.
- Bəs onda futbolçumuz niyə əsas heyətdə möhkəmlənə bilmir?
- Onun zədəsi var idi. Sonradan xəstələndi. İndi isə yaxşı formadadı. Mümkündü ki, növbəti turda əsas heyətdə meydana çıxsın. Qısa zaman kəsiyində Arif azarkeşlərin, rəhbərliyin simpatiyasını qazana bilib. Onu burda sevirlər.
- Onun zədəsi var idi. Sonradan xəstələndi. İndi isə yaxşı formadadı. Mümkündü ki, növbəti turda əsas heyətdə meydana çıxsın. Qısa zaman kəsiyində Arif azarkeşlərin, rəhbərliyin simpatiyasını qazana bilib. Onu burda sevirlər.
- Amma komandanızın durumu heç də ürəkaçan deyil. “Denizlispor”un daha aşağı diviziona yuvarlanması istisna olunmur...
- Hər şey öz əlimizdədi. Sona qədər mübarizə aparacağaıq.
- Mövsümün əvvəlində Super Liqaya vəsiqə uğrunda mübarizə aparmaqdan danışan klubun indiki durumu nə ilə bağlıdı?
- Qış fasiləsi zamanı komandanı xeyli futbolçu tərk etdi. Heyət xeyli zəifləyib. Rəhbərlik artıq növbəti mövsümün planlarını cızmaqdadı. Amma eyni zamanda Birinci Liqadakı yerimizi qorumağa da çalışırıq.
- Keçmiş klubunuz “Neftçi” son turda “Qarabağ”a qalmaqallı şəkildə məğlub oldu. Buna münasibətiniz necədi?
- Bu haqda danışmaq istəmirəm.
- Bu haqda danışmaq istəmirəm.
- Azərbaycan çempionatının formatının dəyişdirilməsini necə qarşıladınız?
- Yaxşı. Bu mövsümün əvvəlindən bu sistemə üstünlük verilsəydi, daha yaxşı olardı. Dörd dövrədən, 10 klubdana ibarət çempionat hazırda bizim üçün ən yaxşı variantdı.
