12 aprel 2013 11:46
Premyer Liqa, 26-cı tur: Elxan Abdullayevin proqnozu
Futbol üzrə Azərbaycan yığmasının sabiq məşqçisi Elxan Abdullayev Topaz Premyer Liqasının 26-cı turunun oyunları ilə bağlı proqnozlarını açıqlayıb. Azerisport.az sizi həmin proqnozlarla tanış edir.
Rəvan – Kəpəz
Bu gün “Kəpəz”in demək olar ki, heç bir motivasiyası yoxdu. Prinsipcə, heç “Rəvan”ın da güclü motivasiyaya malik olduğunu demək olmaz. Gəncəlilər böyük ehtimalla elitanı tərk edəcəklər. Ona görə “Kəpəz”in bu oyuna yaxşı köklənməsini mümkünsüz sayıram. “Rəvan” üç xalı qazanan tərəf olacaq.
Bu gün “Kəpəz”in demək olar ki, heç bir motivasiyası yoxdu. Prinsipcə, heç “Rəvan”ın da güclü motivasiyaya malik olduğunu demək olmaz. Gəncəlilər böyük ehtimalla elitanı tərk edəcəklər. Ona görə “Kəpəz”in bu oyuna yaxşı köklənməsini mümkünsüz sayıram. “Rəvan” üç xalı qazanan tərəf olacaq.
Qəbələ - Bakı
Qazandıqları xaldan da görünür ki, bu komandaların üçüncü yerə çıxması çətin məsələdi. Xüsusilə də, “Qəbələ”nin. Amma bu komandadan fərqli, “Bakı” bütün diqqətini artıq Azərbaycan Kubokuna yönəldib. Ona görə də “Qəbələ”nin qalib gələcəyini düşünürəm.
Simurq – Neftçi
“Simurq” bu oyun öncəsi çox ciddi itkilərlə üzləşib. Böyükağa Hacıyev də olmayacaq. “Simurq”a gəlincə, mən bu komandadan altılıq mərhələsində daha çox şey gözləyirdim. Amma son dövrlər uğursuz çıxış edirlər. Görünür, təcrübə çatışmazlığı sözünü deyir. Fikrimcə, oyun Zaqatalada keçirilsə də, “Neftçi” qalib gələcək.
Qarabağ – İnter
Hazırda “İnter”in oyunu mənim daha çox xoşuma gəlir. Onlarda oyun intizamı çox yüksək səviyyədədi. “İnter” elə komandadı ki, onlar üçün evdə və ya səfərdə oynamağın fərqi yoxdu. Hər iki komandaya uğurlar arzulayıram. Hesab edirəm ki, bu dəfə “İnter” “Qarabağ”dan üstün olacaq.
Turan – Xəzər Lənkəran
Burda hər şey aydındı. “Xəzər Lənkəran”ın yeni baş məşqçisi var. Oyunçular bütün keyfiyətlərini nümayiş etdirib, onun etimadını qazanmaq istəyirlər. “Xəzər Lənkəran” asan qələbəyə sevinməlidi.
Sumqayıt – AZAL
AZAL da “Xəzər Lənkəran”la birgə ilk altılıqda oynamalı komandalardandı. Fikrimcə, “təyyarəçilər”in “Sumqayıt”a qalib gəlmək üçün hər cür imkanı var. Bununla sumqayıtlıların zəif olduğunu demək istəmirəm. Sadəcə, “Sumqayıt” indi AZAL-dan üç xal alacaq gücdə deyil. Paytaxt klubu qalib gəlməlidi.
