12 aprel 2013 16:31
Neftçi 18 min avro ödəyib, turnirə qatılır
Konstantin Yeryomenko adına futzal üzrə Birinci Avrasiya Kubokunun formatı müəyyənləşib. Azerisport.az xəbər verir ki, turnirdə Azərbaycan, Rusiya, Latviya, Qazaxıstan və Ukrayna klubları iştirak edəcəklər.
Səkkiz komanda iki qrupa bölünəcək. Qrup mərhələsinin oyunları noyabr-dekabr aylarında keçiriləcək. Mart ayında isə dördlər finalının görüşləri keçiriləcək.
Qeyd edək ki, Azərbaycanı sözügedən turnirdə “Neftçi” təmsil edəcək. Lakin bunun üçün paytaxt klubu təşkilatçılara 18 000 avro ödəməlidi. Bu, üzvlük haqqı bütün iştirakçılardan alınacaq.
Mükafat fonduna gəlincə, bu, bütövlükdə 100 min avro təşkil edəcək. Çempion olacaq klub 50 min avro qazanacaq. İkinci yerin sahibinə 30 min, bürünc medal sahiblərinə 15 min, dördüncü yerlə kifayətlənəcək komandaya isə 5 min avro veriləcək.
