13 aprel 2013 22:50
Nəziri debüt etdi, Petrolul 4 qolla güldü (YENİLƏNİB)
Rumıniyanın “Petrolul” klubu ölkə çempionatında növbəti matçına çıxıb. Azerisport.az xəbər verir ki, futbol üzrə Azərbaycan yığmasının müdafiəçisi Elhad Nəzirinin komandası 26-cı tur çərçivəsində “Gloria Bistrita” ilə qarşılaşıb.
Görüş doğma meydanda keçirilirdi. Bu üzdən də “Petrolul” mütləq qalib gəlməyi hədəfləmişdi. Həmyerlimizin komandası bu istəyinə çata bilib. Özü də 4 cavabsız qolla.
Nəzirinin bu görüşdə iştirak etməsi istisna deyildi. Bu, baş tutsa, yığmamızın üzvü yeni klubunda debütünü rəsmiləşdirmiş olacaqdı. Baş məşqçi ona ilk "18-lik"də yer vermişdi. Matçın sonlarında isə Kontra Elhadı da meydana buraxıb və 74-cü dəqiqədə onun debütünə şərait yaradıb.
Qeyd edək ki, “Petrolul” 26 oyundan sonra topladığı 48 xalla 3-cü pillədə yer alıb.
Rumıniya çempionatı
26-cı tur
13 aprel
Petrolul - Gloria Bistrita - 4:0
