14 aprel 2013 21:18
“Təəssüf ki, bu cür oyunu 90 dəqiqə davam etdirə bilmədik”
AZAL-ın baş məşqçisi Vaqif Sadıqov Topaz Premyer Liqasının 26-cı turunun “Sumqayıt” ilə oyununu şərh edib. Azerisport.az xəbər verir ki, “təyyarəçilər”in çalışdırıcısı 2:0 hesabıyla başa çatan görüşdən sonra bunları dilə gətirib:
“Sumqayıt” komandasına qarşı keçirdiyim 5-ci oyunda ilk qələbəm idi. İki fərqli hissənin şahidi olduq. İlk hissədə komanda verilən tapşırıqları yerinə yetirdi. Təəssüf ki, bu cür gözəl oyunu 90 dəqiqə davam etdirə bilmədik. Komandanı qələbə münasibəti ilə təbrik edirəm. Heyətimizdə müəyyən itkilər olsa da, gələcək oyunlarda da qələbə qazanmağa çalışacağıq”.
