17 aprel 2013 17:22
Azərbaycan yığması İran, Gürcüstan və Botafoqoya qarşı
17 yaşadək futbolçulardan ibarət Azərbaycan yığması mayın 8-dən 14-ə qədər Qazaxıstanın Astana şəhərində təşkil olunacaq ənənəvi VII "Prezident Kuboku" beynəlxalq turnirində iştirak edəcək. Azerisport.az xəbər verir ki, turnirdə 8 komanda 2 qrupda mübarizə aparacaq.
Qrupların tərkibini və yığmamızın oyunlarının təqvimini diqqətinizə çatdırırıq:
A qrupu: Gürcüstan, İran, "Botafoqo" (Braziliya), Azərbaycan
B qrupu: Qazaxıstan, Çin, Qırğızıstan, Türkmənistan
9 may, saat 13:00. Gürcüstan - Azərbaycan
10 may, saat 11:00. "Botafoqo" - Azərbaycan
12 may, saat 14:00. Azərbaycan - İran
Komandaların qrupda tutduğu yerə müvafiq olaraq mayın 13-də final mərhələsinin oyunları keçiriləcək.
Qeyd edək ki, oyunların başlanma saatı Bakı vaxtı ilə göstərilib.
