18 aprel 2013 19:43
Hakan Şükür və Rüştü Rəçbər Bakıya gəlir
Futbol üzrə Türkiyə milli komandasının sabiq üzvləri Rüştü Rəçbər və Hakan Şükür Bakıya gələcək. Bu haqda azerisport.az saytına məşhur qapıçı və hücumçu ilə danışıqları aparan “Bakı” klubu prezidentinin müşaviri Tunc Afşar məlumat verib.
O bildirib ki, Rüştü və Hakan Heydər Əliyevin 90 illik yubileyi münasibətilə Azərbaycan və dünya yığmaları arasında yoldaşlıq görüşündə iştirak üçün ölkəmizə təşrif buyuracaq. Həmin görüş mayın 1-də Bakıdakı “Bayıl Arena”da təşkil olunacaq.
Qeyd edək ki, daha öncə Türkiyə millisinin hazırkı baş məşqçisi Abdullah Avcının da bu oyunda iştirakı dəqiqləşmişdi. Hər üç şəxs həm də aprelin 30-da "Bakı" və İspaniyanın "Atletiko" klubları arasında keçiriləcək yoldaşlıq görüşünu izləyəcəklər.
“Çətin qrafikə baxmayaraq, onlar bura gəlməyə vaxt tapdılar. Hamısı bu təklifi böyük sevinclə qəbul etdilər. Onlar Azərbaycana səfər etməkdən şad olduqlarını bildirdilər”.
