18 aprel 2013 13:31
“Neftçini məğlub etməyi çox istəyirik”
“Qəbələ”nin müvəqqəti baş məşqçisi təyin olunan Luis Araqon komandasının durumundan danışıb. Azerisport.az saytına müsahibəsində o, bunları dilə gətirib:
“Biz artıq iki həftədi məşq edirik. Komandada müəyyən şeyləri dəyişməyə ehtiyac var. Mən futbolçularımızdan topla daha çox işləməyi xahiş edirəm. Onların öz potensiallarını daha yaxşı açacaqlarına inanıram”.
“Biz artıq iki həftədi məşq edirik. Komandada müəyyən şeyləri dəyişməyə ehtiyac var. Mən futbolçularımızdan topla daha çox işləməyi xahiş edirəm. Onların öz potensiallarını daha yaxşı açacaqlarına inanıram”.
İspaniyalı mütəxəssisin fikrincə, “Simurq” və “Bakı” ilə oyunlarda “Qəbələ”nin oyunçuları pis futbol sərgiləməyiblər: “Biz göstərdik ki, düzgün yoldayıq. Lakin təəssüf ki, “Bakı” ilə oyunda hakim qapımıza olmayan penaltini təyin etdi. Qonaqlar məhz bundan sonra hesabı bərabərləşdirdilər. Bu, penaltiyə səbəb olacaq toxunuş deyildi. Həmin epizodda “Bakı”nın oyunçusu daha kobud oynamışdı”.
Araqon heyətlə də bağlı danışıb: “Heyətdə bəzi zədəli oyunçularımız var. Əvəzedici komandadan dəvət olunan oyunçularımız da var. Fikrimcə, onlar zədəli oyunçularımızı əvəzləyəcək gücdədilər”.
“Qəbələ”nin ispaniyalı çalışdırıcısı hədəflərindən də danışıb: “Hələ avrokuboklara düşmək şansımız var və biz bu yolda səylərimizi davam etdiririk. Qarşıdakı turda “Neftçi”ni məğlub etməyi çox istəyirik. Dünən “Neftçi”nin “Qarabağ”la oyununa baxdım. Qeyd etməliyəm ki, bu oyunda da penalti yox idi. Hakimlərin bu cür qərarları çox ədalətsizdi”.
Araqon hələ “Qəbələ”dəki aqibəti ilə də bağlı dəqiq heç nə bilmir: “Mən bura əvəzedici komanda ilə işləmək üçün gəlmişəm. Rəhbərliyin qərarını gözləyirəm. Onlar harda çalışmağımı istəsələr, orda da işləyəcəm. Əsas olan “Qəbələ” üçün faydalı gənc oyunçular hazırlamaqdı”.
