19 aprel 2013 19:49
Abışov debüt matçında 90 dəqiqə oynadı (YENİLƏNİB)
Bu gün futbol üzrə Rusiya Premyer Liqasında 25-ci tura start verilib. Azerisport.az xəbər verir ki, ilk oyun günündə Azərbaycan yığmasının müdafiəçisi Ruslan Abışovun çıxış etdiyi “Rubin” “Amkar”ın qonağı olib.
Baş məşqçi Kurban Berdıyev nəhayət bu oyunda Ruslan Abışova da şans verib. Əsas heyətdə meydana çıxan futbolçumuz yeni komandasında rəsmi debüt edib. Onun debütü bütövlükdə yaxşı alınıb. Baxmayaraq ki, komandası son dəqiqələrdə qələbəni əldən verib.
Qeyd edək ki, “Rubin” 25 turdan sonra turnir cədvəlində 41 xalla 5-ci yeri tutur.
Rusiya Premyer Liqası
24-cü tur
19 aprel
Amkar – Rubin - 1:1
Qollar: Kanunnikov, 83 - Rondon, 26.
Oyun başladı
Berdıyev yığmamızın üzvünü müdafiənin sol cinahında meydana buraxıb
"Rubin"in 3 müdafiəçili sistemlə oynadığını da qeyd edək
19. Komandasının künc zərbəsi zamanı hücuma qoşulan Abışov topu başla qapıya göndərmək istəsə də, hədəfə düşə bilmir
26. Rondon əla ötürməni qolla tamamlayır - 0:1
Futbolçumuz geridə qalan yarım saat ərzində kifayət qədər təmkinli və səliqəli oyunu ilə diqqət çəkib
Birinci hissə başa çatdı
İkinci hissə başladı
Ruslan fasilədən sonra da səhvsiz oynamaqda davam edir
83. "Rubin"in qapısı qarşısında yaranmış qarışıqlıq zamanı Kanunnikova dəyən top tora daxil olur - 1:1
Matç başa çatdı
Futbolçumuz debüt matçında 90 dəqiqə meydanda oldu və heç də pis təsir bağışlamadı. Görüşün son dəqiqələri istisna olmaqla, millimizin üzvü matçı yüksək səviyyədə keçirdi. Baxmayaraq ki, bu, onun "Rubin"dəki ilk oyunu idi
