21 aprel 2013 18:00
Arif İsayevlə Rail Məlikov Denizlispora qələbə qazandırdı (YENİLƏNİB)
Futbol üzrə Azərbaycan yığmasının yarımmüdafiəçisi Arif İsayevlə müdafiəçi Rail Məlikovun şərəfini qoruduğu Türkiyənin “Denizlispor” klubu bu gün növbəti matçına çıxıb. Azerisport.az xəbər verir ki, həmyerlilərimizin komandası PTT Birinci Liqanın 31-ci turu çərçivəsində “Manisaspor” ilə qarşılaşıb.
Oyun rəqib meydanında keçirilirdi. Odu ki, həmyerlilərimizin komandasını çətin sınaq gözləyirdi. Lakin Dənizli klubu bu görüşdən qalib ayrılmağı bacarıb.
Bu görüşdə futbolçularımızın da iştirakı istisna deyildi. Yeni baş məşqçi Özcan Bizatinin debüt matçında futbolçularımız start heyətdə meydana çıxıblar. Lakin 90 dəqiqə meydanda olan Raildən fərqli, Arif 58-ci dəqiqədə əvəzlənib.
Qeyd edək ki, Ariflə Railin komandası 31 oyuna 36 xalla 13-cü yerdə gedir.
PTT Türkiyə Birinci Liqası
31-ci tur
21 aprel
Manisaspor – Denizlispor - 0:1
