23 aprel 2013 00:46
Nəziri oynamadı, komandası liderlə sülh bağladı (YENİLƏNİB)
Rumıniyanın “Petrolul” klubu ölkə çempionatında növbəti matçına çıxıb. Azerisport.az xəbər verir ki, futbol üzrə Azərbaycan yığmasının müdafiəçisi Elhad Nəzirinin komandası 27-ci tur çərçivəsində “Steaua” ilə qarşılaşıb.
Görüş rəqib meydanında keçirilib. Bu üzdən də “Petrolul”u çox çətin sınaq gözləyirdi. Həm də nəzərə almaq lazımdı ki, turnir cədvəlinin ikinci pilləsində qərarlaşmış həmyerlimizin komandasının 16 xal geri qaldığı lider “Steaua”nı məğlub etməkdən başqa çıxış yolu yox idi. Lakin "Petrolul"un gücü yalnız heç-heçəyə çatıb.
Nəziri bu görüşdə iştirak edə bilməyib.
Qeyd edək ki, “Petrolul” 27 oyundan sonra topladığı 49 xalla 2-ci pillədə qərarlaşıb.
Rumıniya çempionatı
27-ci tur
22 aprel
Steaua - Petrolul - 2:2
