20 aprel 2013 14:22
İnterin yarımmüdafiəçisi üçün mövsüm erkən başa çatdı
Sarı vərəqə limitini aşan və buna görə Premyer Liqanın 27-ci turunu buraxan "İnter"in gənc yarımmüdafiəşisi Fuad Bayramov dünən əvəzedici komandaların çempionatında “Simurq”la görüşün iştirakçısı olub. Azerisport.az xəbər verir ki, gənc futbolçu bu qarşılaşmanın ikinci hissəsində ağır zədə alıb.
Belə ki, Bayramov uğursuz toqquşmadan sonra meydançanı erkən tərk etməli olub və dərhal "Medical Plaza" klinikasına aparılıb. Klinikada Bayramov böyrəyindən əməliyyat olunub. Yalnız bundan sonra onun futbolçunun vəziyyəti sabitləşib və o, ümumi palataya köçürülüb.
Beləliklə, futbol mövsümünü gənc oyunçu üçün bitmiş hesab etmək olar. Çünki Fuad Bayramovun məşqlərə ən yaxşı halda bir aydan sonra qayıda biləcəyi ehtimal olunur.
