20 aprel 2013 14:49
Xəzər Lənkəran həmişə qol vurduğu rəqibə qarşı
Final mərhələsinin ilk dövrəsinin son turunda “Xəzər Lənkəran” “Sumqayıt”la görüşəcək. Azerisport.az xəbər verir ki, əsas hədəfi ölkə kuboku ilə bağlı olan cənub klubu Premyer Liqada qalmaq üçün mübarizə aparan rəqibini öz meydanında qəbul edəcək.
Lənkərandakı görüş tərəflər arasında 5-ci qarşılaşma olacaq. İlk dəfə final mərhələsində üz-üzə gələcək komandalar 2 dəfə 2011/12, 2 dəfə cari mövsümündə üz-üzə gəlib. Ötən mövsüm hər 2 qarşılaşmada “Xəzər Lənkəran” qalib gəlibsə, bu çempionatda qalib müəyyənləşməyib.
XL rəqibinə qarşı keçirdiyi 4 matçın hamısında rəqib qapısına yol tapıb. Əslində 4 görüşdə cəmi 1 dəfə hansısa komanda qapısını toxunulmaz saxlaya bilib. Bu da ötən mövsümünü 2-ci dövrəsində “ağ-yaşıllar”ın səfərdə 3:0 hesabı ilə qalib gəldiyi matçda olub.
Lənkərandakı görüşlərdə isə hər 2 komanda qol vurub. Meydan sahibləri “Sumqayıt”la hər 2 ev oyununda eyni sayda 2 qol vurmağa nail olub. Ümumilikdə 2 qələbə və 2 heç-heçəsi olan “Xəzər Lənkəran” top fərqində ikiqat üstünlüyə malikdir – 8:4.
2011/12 06.08.2011 çempionat e 2:1
2011/12 03.03.2012 çempionat s 3:0
2012/13 31.10.2012 çempionat s 1:1
2012/13 03.03.2013 çempionat e 2:2
