22 aprel 2013 11:56
Rauf Əliyev: Qarabağdan daha yaxşı oynadıq
“Bakı”nın hücumçusu Rauf Əliyevin azerisport.az saytına müsahibəsi
- Keçmiş klubunuza – “Qarabağ”a qarşı oyun haqda nə deyə bilərsiz?
- Keçmiş komandana qarşı oynamaq heç də adi şey deyil. “Bakı” bu görüşdə heç də pis çıxış etmədi. Komanda çox yaxşı futbol sərgilədi. Amma bu, istədiyimiz nəticəni qazanmağımıza imkan vermədi.
- Keçmiş komandana qarşı oynamaq heç də adi şey deyil. “Bakı” bu görüşdə heç də pis çıxış etmədi. Komanda çox yaxşı futbol sərgilədi. Amma bu, istədiyimiz nəticəni qazanmağımıza imkan vermədi.
- Məğlubiyyətə nə səbəb oldu?
- Bizim fərqlənmək üçün çoxlu imkanlarımız oldu. Ancaq biz onlardan lazımınca yararlana bilmədik. Əvəzində bizim edə bilmədiyimizi rəqib bacardı. Penalti qolu sayəsində qələbə qazandılar.
- Sizin birinci hissədə daha çox qol şansınız oldu...
- Elə ikinci hissədə də az qol şansımız olmadı. Sadəcə, hər dəfə nəsə çatışmırdı. Mümkündü ki, biz qol vursaydıq, hər şey tam fərqli bitəcəkdi.
- Son dövrlər belə gərgin oyunlardan sonra penalti qərarları böyük söhbətlərə səbəb olur...
- Düzünü deyim ki, qapımıza təyin olunan penalti epizodunu görməmişəm. Buna görə də heç nə deyə bilmərəm.
- Demək olar ki, Bojidar Bandoviç əsas gücü “Xəzər Lənkəran”la kubokun cavab yarımfinal görüşünə qorudu?
- Mən belə deməzdim. Hamı gördü ki, biz rəqibdən daha yaxşı oynadıq. Qələbəyə oynayırdıq. Sadəcə, alınmadı.
- Mən belə deməzdim. Hamı gördü ki, biz rəqibdən daha yaxşı oynadıq. Qələbəyə oynayırdıq. Sadəcə, alınmadı.
- Evdə minimal hesabla məğlub etdiyiniz cənublularla cavab görüşündən nə gözləyirsiz?
- Orda daha çətin olacaq. 1:0 sürüşkən hesabdı. Buna görə də Lənkəranda hər şeyin necə nəticələnəcəyini indidən proqnozlaşdırmaq çətindi. Ümid edirəm ki, hər şey bizim üçün yaxşı bitəcək.
