22 aprel 2013 16:19
Con Toşak Lənkəranda velosipedlə gəzir (FOTOLAR)
“Xəzər Lənkəran”ın baş məşqçisi Con Toşak boş vaxtlarından səmərəli istifadə edərək sağlamlığının qeydinə qalır. Azerisport.az xəbər verir ki, 64-yaşlı mütəxəssis şəxsi avtomobildən və sürücüdən imtina edərək sağlamlığını qorumaq üçün velosipedə üstünlük verib.
Uelsli təcrübəli çalışdırıcı komandanın Lənkəranda keçirilən məşqlərinin ardından köməkçilərinə öz tapşırıqlarını verdikdən sonra istirahət etmək məqsədi ilə velosipedinə oturaraq “Palmalife” istirahət mərkəzində onun üçün ayrılmış xüsusi VİP kottecə yollanır. Stadionun ərazisində yerləşən baza-oteldə məskunlaşan futbolçuların istirahət saatlarında nizam-intizama riayət etmələrinə isə əsasən klubun idman direktoru Babək Quliyev nəzarət edir.
Xatırladaq ki, vaxtı ilə “Xəzər Lənkəran”ın baş məşqçisi olmuş Mirça Rednik də digər bir vərdişlə yadda qalırdı. Beləki, komanda ilə birgə bazada qalan rumıniyalı çalışdırıcı stadion ərazisində ayrılmış xüsusi yerdə pişik bəsləməyə maraq göstərirdi. (12cioyuncu.info)
