22 aprel 2013 16:23
Amit Quluzadə Türkiyəyə qayıda bilər
“Qəbələ”nin yarımmüdafiəçisi Amit Quluzadə karyerasını yenidən Türkiyədə davam etdirə bilər. Azerisport.az xəbər verir ki, gənc futbolçumuza vaxtilə heyətində yer aldığı “Erciyesspor” klubundan maraq göstərirlər.
Bunu saytımıza açıqlamasında Quluzadə özü bildirib: “Mənə klub prezidenti zəng etmişdi. Müxtəlif məsələlərdən danışdıq. Lakin konkret nələri müzakirə etdiyimizi demək istəmirəm. Həm də bu, o demək deyil ki, mən bu kluba keçirəm. Amma həyatda hər şeyə ola bilər. Hazırda isə yalnız “Qəbələ”dəki karyeramın uğurlu olmasına çalışıram və hansısa kluba keçid barədə danışmaq isəmirəm”.
Qeyd edək ki, “Erciyesspor” hazırda PTT Birinci Liqada liderdi və növbəti mövsümdən Türkiyə Super Liqasında iştirak etməyə çox yaxındı.
