23 aprel 2013 11:44
5 il əvvəlki ssenari: 20-ci qələbə üçün
Sabah Azərbaycan kubokunun yarımfinal mərhələsinin cavab oyunları keçiriləcək. Azerisport.az xəbər verir ki, Bakıdakı ilk matçda paytaxtın eyniadlı təmsilçisinə 0:1 hesabı ilə uduzan “Xəzər Lənkəran” 7 gün sonra doğma publika önündə minimal yenilginin əvəzini çıxmağa çalışacaq.
“Ağ-yaşıllar” Azərbaycan kuboku tarixində 2-ci dəfə analoji halla üzləşib. Söhbət komandanın səfərdə 0:1 hesabı ilə uduzduqdan sonra cavab matçını öz meydanında keçirməsindən gedir. 2004-cü ildə yaranan Lənkəran təmsilçisi artıq 1 dəfə belə sınaq qarşısında olub.
Bu hadisə 2007/08 mövsümündə baş verib. Həmin vaxt da Bakıda 0:1 hesabı ilə uduzan komanda cavab oyununda bunun əvəzini çıxmalı idi. 2008-ci ilin martında “Olimpik”lə Lənkəranda baş tutan qarşılaşmada “Xəzər Lənkəran” bunu bacardı. 2:0 hesabı ilə qalib gəlməklə yarımfinala yüksələn komanda sonda elə kuboku da Lənkərana gətirdi.
5 il sonra oxşar ssenari ilə üzləşən “ağ-yaşıllar”ın bu dəfəki qələbəsi həm də yubileylə əlamətdar olacaq. Kubokda öz meydanında 19 dəfə qalib gələn komanda 20-ci zəfərinin astanasındadı.
“Bakı” ilə oyunlara gəlincə isə, bu, rəqiblərin 33-cü matçı olacaq. Bakılılar indiyədək 12, XL isə 8 dəfə meydanı qalib kimi tərk edib. Digər 12 görüşdə qalib müəyyənləşməyib. Ümumi top fərqində isə 31 qol vuran cənublular 30 dəfə qapısında qol görməklə minimal üstünlüyə malikdir.
2004/05 22.08.2004 çempionat s 0:2
2004/05 23.02.2005 çempionat e 2:0
2005/06 22.08.2005 çempionat e 0:1
2005/06 17.02.2006 çempionat s 1:1
2006/07 26.08.2006 çempionat e 1:0
2006/07 26.02.2007 kubok s 2:0
2006/07 04.03.2007 kubok e 0:1
2006/07 17.03.2007 çempionat s 0:0
2007/08 04.11.2007 çempionat s 2:2
2007/08 04.05.2008 çempionat e 0:0
2008/09 26.10.2008 çempionat s 0:0
2008/09 25.02.2009 kubok e 0:1
2008/09 11.03.2009 kubok s 2:2
2008/09 18.04.2009 çempionat e 3:0
2009/10 25.11.2009 çempionat e 1:1
2009/10 29.11.2009 çempionat s 3:0
2009/10 11.04.2010 çempionat s 0:1
2009/10 15.05.2010 çempionat e 0:1
2009/10 23.05.2010 kubok n 1:2
2010/11 02.10.2010 çempionat e 1:1
2010/11 27.11.2010 çempionat s 1:1
2010/11 02.04.2011 çempionat s 0:0
2010/11 27.04.2011 kubok e 1:0
2010/11 04.05.2011 kubok s 1:2
2010/11 13.05.2011 çempionat e 2:0
2011/12 21.10.2011 çempionat s 2:2
2011/12 21.12.2011 çempionat e 3:0
2011/12 19.03.2012 çempionat e 0:1
2011/12 14.04.2012 çempionat s 1:4
2012/13 18.11.2012 çempionat s 0:2
2012/13 06.12.2012 çempionat e 1:1
2012/13 17.04.2013 kubok s 0:1
