24 aprel 2013 00:54
AFFA-dan bir kluba texniki məğlubiyyət, üç futbolçuya dörd oyunluq cəza!
Xəbər verdiyimiz kimi, AFFA İntizam Komitəsinin növbəti iclası keçirilib. Azerisport.az xəbər verir ki, toplantıda aşağı yaş qrupları üzrə ölkə çempionatlarında, eləcə də futzal üzrə həvəskarlar arasındakı çempionatda baş verən qanun pozuntularına da hüquqi qiymət verilib.
20 aprel 2013-cü il tarixdə U-13 Liqanın “Qarabağ” – Gİİ (Xətai) matçında Gİİ (Xətai) iştirak etmədiyi üçün kluba 0:3 hesablı texniki məğlubiyyət verilib.
17 aprel 2013-cü il tarixdə futzal üzrə həvəskarlar arasında Azərbaycan birinciliyinin “Abşeron” – “Barsamaniya” matçının 40-cı dəqiqəsində “Barsamaniya”nən futbolçusu Mahir Babayev aqressiv oyuna görə birbaşa qırmızı vərəqə alaraq meydandan kənarlaşdırıldığı üçün 4 oyunluq cəzalanıb.
21 aprel 2013-cü il futzal üzrə həvəskarlar arasında Azərbaycan birinciliyinin “Zəfəran” – “Sportinq” matçının 48-ci dəqiqəsində “Zəfəran”ın futbolçusu Musa Musazadə aqressiv oyuna görə birbaşa qırmızı vərəqə alaraq meydandan kənarlaşdırıldığı üçün 4 oyunluq cəzalanıb. Oyunun 48-ci dəqiqəsində “Zəfəran”ın digər futbolçusu Elxan İsmayılov hakimi təhqir etdiyinə görə birbaşa qırmızı vərəqə alaraq meydandan kənarlaşdırıldığı üçün futbolçu 4 oyunluq cəzalanıb.
