26 aprel 2013 12:05
Saşa Stamenkoviç: Məni cəzalandırmaq Hacıyevin haqqıdı
“Neftçi”nin qapıçısı Saşa Stamenkoviçin azerisport.az saytına müsahibəsi
- “Qarabağ”la kubokun cavab oyunu barədə nə deyə bilərsiz?
- İlk növbədə onu qeyd etməliyəm ki, kubok oyunları “Neftçi”nin nə qədər böyük komanda olduğunu bir daha göstərdi. “Qarabağ”ın üç çempionat oyununda qələbə qazanması isə bizim Avropa Liqasındakı çıxışımızla, yorğunluğumuzla bağlı idi. Kubok görüşlərində isə özünüz də gördünüz ki, biz onlara heç bir şans vermədik. İkinci oyunda da qalib gələ bilərdik.
- İlk növbədə onu qeyd etməliyəm ki, kubok oyunları “Neftçi”nin nə qədər böyük komanda olduğunu bir daha göstərdi. “Qarabağ”ın üç çempionat oyununda qələbə qazanması isə bizim Avropa Liqasındakı çıxışımızla, yorğunluğumuzla bağlı idi. Kubok görüşlərində isə özünüz də gördünüz ki, biz onlara heç bir şans vermədik. İkinci oyunda da qalib gələ bilərdik.
- Əgər sizin kobud səhviniz olmasaydı...
- Rəqib o qədər də yaxşı oynamadı. Bu üzdən “Qarabağ”a kömək etmək qərarına gəldim (gülür).
- Siz həmin epizodda nə etmək istəyirdiniz?
- Vaxt öldürmək istəyirdim. Amma yıxıldım və...
- Vaxt öldürmək istəyirdim. Amma yıxıldım və...
- Bu epizod Böyükağa Hacıyevin ürəyincə olmayıb və bəyan edib ki, sizi cəzalandıracaq...
- Bu, onun haqqıdı.
- Sizi həqiqətən də Conni Leoninin gedişi arxayınlaşdırıb? Hər halda baş məşqçi belə qənaətdədi...
- Mən qapıda Leoniyə görə dayanmıram. İsveçrəli yaxşı insan və qapıçı idi. Onun niyə getdiyini bilmirəm. Amma bu, məni qətiyyən arxayınlaşdırmır.
- Kubokun finalında “Xəzər Lənkəran”la qarşılaşacaqsız...
- Şübhəsiz ki, maraqlı qarşılaşma olacaq. Amma indi bu haqda düşünmürəm. Sadəcə, onu deyə bilərəm ki, biz ötən il “Bakı” ilə oyunun da favoriti idik. Buna baxmayaraq, həlledici oyunda uduzduq. Ona görə də indi biz daha çox çempionata köklənməliyik. Premyer Liqada uğur qazandıqdan sonra kubokun finalı barədə düşünmək olar.
- Bu həftə sizi “İnter”lə derbi gözləyir. Bu oyuna qədər hazır ola biləcəksiz?
- Buna borcluyuq. Öz meydanımızda oynayırıq. Ona görə də üç xal götürməyə çalışacağıq.
- Buna borcluyuq. Öz meydanımızda oynayırıq. Ona görə də üç xal götürməyə çalışacağıq.
